امریکی جوڑے کو برفباری میں اپنی منگنی کا یادگار فوٹو شوٹ کرانا مہنگا پڑگیا۔

امریکی ریاست کیلیفورنیا سے تعلق رکھنے والی 33 سالہ کِم زو اور فِل موئی یوٹاہ کے پارک سٹی میں اپنی منگنی کو یاد گار بنانے کے لئے فوٹو شوٹ میں مصروف تھے، اس دوران فوٹو گرافر سبرینا بو ہلکے کو زو کی انگلی میں انگوٹھی نظر نہ آئی تو اس نے جوڑے کو آگاہ کیا۔

گوری خاتون چاول کا تھیلا بطور ہینڈ بیگ استعمال کرنے لگی

فِل موئی کا کہنا تھا کہ ابھی ہمارے فوٹو شوٹ کو ابھی 10 منٹ ہی گزرے ہونگے کہ کِم زو کی انگلی سے انگوٹھی اچانک غائب ہوگئی۔ صورت حال پر جوڑے کو کافی مایوسی ہو رہی تھی۔

امریکی جوڑا، فوٹوگرافر اور پارک سٹی میں موجود لوگوں نے منگنی کی انگوٹھی کی تلاش شروع کردی، سب لوگ 2 گھنٹے تک برف میں انگوٹھی ڈھونڈتے رہے۔ پارک سٹی کا عملہ بھی ان کی مدد کے لیے میٹل ڈیٹیکٹر لے کر آیا ، بالآخر فِل موئی کو اچانک برف میں چمکتی دمکتی ہوئی انگوٹھی مل گئی۔

بابا وانگا کی وہ پیش گوئیاں جو غلط ثابت ہوئیں

کِم زو نے بتایا کہ جیسے ہی فل موئی کو ’انگوٹھی‘ ملی تو وہ چیخنے لگی اور اس نے بے اختیار کہا کہ مجھے انگوٹھی مل گئی ہے اور خوشی کے مارے اس کی آنکھوں سے آنسو نکل آئے۔