بالی ووڈ اداکار سلمان خان کا ماضی کی اداکارہ کو 17ویں منزل سے چھلانگ لگانے کی دھمکی دینے کا انکشاف ہوا ہے۔

بھارتی میڈیا کے مطابق سلمان اوراداکارہ کا تعلق 1999ء میں فلم ’’ہم دل دے چکے صنم‘‘ سے شروع ہوا تاہم 2001ء میں دونوں کے تعلق میں دراڑ آگئی، 2002ء میں اداکارہ نے سلمان پر الزامات عائد کرتے ہوئے راہیں جدا کرلیں۔

میڈیا کا کہنا ہے کہ سلمان اور ایشوریا کے افیئرکئی متنازع خبروں میں گھرا رہا، اس دوران سلمان خان نے ایک جھگڑے کے دوران سابق ملکہ حسن کو بلند عمارت کی 17ویں منزل سے چھلانگ کی دھمکی دے ڈالی تھی۔

میڈیا رپورٹس کے مطابق کہ 2001ء میں ایشوریا اور سلمان کی خوفناک لڑائی ہوئی، اس لڑائی کی شروعات ایشوریا کی جانب سے سلمان کو گھر میں داخل نہ آنے پر ہوئی تھی۔

بالی ووڈ سپر اسٹار دروازے پر دستک دے رہے تھے لیکن اداکارہ دروازہ نہیں کھول رہی تھیں، دروازہ نہ کھولنے پر سلمان نے ایشوریا کو 17ویں منزل سے کودنے کی دھمکی دے دی تھی۔

میڈیا کا کہنا ہے کہ دھمکی کے بعد لڑائی ختم ہوگئی اور اداکارہ نے سلمان خان کو رات 3 بجے اپنے گھر میں داخل ہونے کی اجازت دے دی، اس واقعہ کے کئی گواہ بھی ہیں۔

اداکار سلمان خان نے بھارتی میڈیا کو انٹرویو میں اس بات کا اعتراف کیا کہ ہاں یہ خبریں درست ہیں لیکن بعض باتوں کو بڑھا چڑھا کر پیش کیا گیا، اگر کسی رشتے میں لڑائی جھگڑا نہ ہو تو اس میں محبت نہیں ہوتی ہے، ’’ایشوریا کا مجھ سے رشتہ ہے لیکن اگر ہم نہیں لڑتے تو ہم میں محبت بھی نہیں ہے‘‘۔