دبئی میں چھوٹا طیارہ گر کر تباہ ہوگیا، خاتون پاکستانی پائلٹ اور بھارتی مسافر ہلاک ہوگئے۔

تفصیلات کے مطابق متحدہ عرب امارات (یو اے ای) کی ریاست راس الخیمہ میں چھوٹا طیارہ حادثے کا شکار ہوگیا. اماراتی ایوی ایشن حکام کے مطابق حادثے میں خاتون پائلٹ اور مسافر سمیت 2 افراد جاں بحق ہوگئے۔

امارتی ایوی ایشن حکام کے مطابق پرائیویٹ سیاحتی ایوی ایشن کا طیارہ سمندر میں گر کر تباہ ہوا، اس طیارے کو سیاحتی مقصد کے لیے استعمال میں لایا جاتا تھا۔

قزاقستان میں مسافر طیارہ گر کر تباہ، متعدد افراد کی ہلاکت کا خدشہ

مسافر طیارہ روسی میزائل دفاعی نظام کے باعث تباہ ہوا، آذربائیجان کے حکام کی تصدیق

ایوی ایشن حکام نے بتایا کہ چھوٹے طیارے کی پائلٹ کا تعلق پاکستان سے تھا، جن کا نام فریانزا پروین تھا، جبکہ ان کے ساتھ مسافر بھارتی ڈاکٹر سلیمان طیارے میں موجود تھے۔

دوسری جانب پاکستانی قونصل خانے کے حکام نے طیارہ حادثے میں پاکستانی خاتون پائلٹ کے جاں بحق ہونے کی تصدیق کردی ہے۔

حکام کے مطابق خاتون پائلٹ فریانزا پروین کا تعلق پاکستان کے شہر ملتان سے ہے، جن کی میت آج رات پاکستان روانہ کردی جائے گی۔