پاکستان اور جنوبی افریقا کے درمیان سنچورین ٹیسٹ کے چوتھے روز کے کھیل کا آغاز ہو گیا اور جنوبی افریقا کی اپنی دوسری نامکمل اننگز میں بیٹنگ جاری ہے۔

سنچورین میں کھیلے جا رہے ٹیسٹ میچ میں جنوبی افریقی ٹیم پاکستان کے 148رنز کے ہدف کا تعاقب کر رہی ہے اور پروٹیز کو جیت کے لیے مزید 87 رن درکار ہیں جبکہ پاکستان کو سنچورین ٹیسٹ میں کامیابی کے لیے 7 وکٹیں چاہئیں۔

تیسرے دن کے آخر تک جنوبی افریقا نے 3 وکٹ کے نقصان پر 27 رنز اسکور کیے تھے، ایڈم مارکرم 22 اور کپتان ٹمبا باووما بغیر رن بنائے کریز پر موجود تھے۔

ڈیبیو کرنیوالے جنوبی افریقی کرکٹر نے پاکستان کیخلاف کھیلتے ہوئے 122 سال پرانا ریکارڈ توڑ ڈالا

پاکستان کے محمد عباس نے دو اور خرم شہزاد نے ایک کھلاڑی کو پویلین کی راہ دکھائی تھی۔

پاکستان نے پہلی اننگز میں 211 رنز بنائے تھے جس کے جواب میں جنوبی افریقا پہلی اننگز میں 301 رنز بناکر آؤٹ ہوئی تھی جبکہ گرین کیپس نے دوسری اننگز میں 237 رنز بنائے تھے۔