ٹی بیگز ایک آسان اور آرام دہ چائے تیار کرنے کے لیے مقبول ہیں، جو صارفین کو آسانی سے ڈب کرنے اور اس سے لطف اندوز ہونے کا موقع فراہم کرتے ہیں۔ تاہم، ٹی بیگ کی بیرونی تہہ کے لیے استعمال ہونے والا مواد درحقیقت صحت پر منفی اثر ڈال سکتا ہے۔

کمرشل ٹی بیگز، جو پولیمر پر مبنی مواد سے بنے ہوتے ہیں، جب انفیوژن ہوتے ہیں تو لاکھوں نینو پلاسٹک اور مائیکرو پلاسٹک خارج کرتے ہیں جو کہ انسانی صحت پر منفی اثر ڈال سکتے ہیں۔ اس طرح، ٹی بیگز کا استعمال صحت کے لیے خطرہ بن سکتے ہیں۔

چیٹ جی پی ٹی کا کھیل کے دوران صارف پر طنزیہ وار، انٹرنیٹ حیران

بارسلونا کی ایک یونیورسٹی کی ایک تحقیق کے مطابق، کھانے کی پیکیجنگ مائیکرو اور نینو پلاسٹک (MNPL) آلودگی کا ایک بڑا ذریعہ ہے۔ ان ذرات کے اہم راستے سانس لینا اور کھانا شامل ہیں۔

یہ نینو اور مائیکرو پلاسٹک ذرات انسانی آنتوں کے خلیات کے ذریعے جذب ہو سکتے ہیں، جس کی وجہ سے وہ خون میں داخل ہو کر پورے جسم میں پھیل سکتے ہیں۔

ناسا کے پارکر پروب نے سورج کے قریب پہنچ کر تاریخ رقم کردی

محققین نے مختلف قسم کے تجارتی ٹی بیگز سے مائیکرو اور نینو پلاسٹک حاصل کر کے ان کی خصوصیات کا مطالعہ کیا۔ انہوں نے دیکھا کہ جب یہ ٹی بیگز چائے تیار کرنے کے لیے استعمال ہوتے ہیں تو بڑی تعداد میں نینو سائز کے ذرات اور نانوفلامینٹس خارج ہوتے ہیں

تحقیق کے لیے استعمال ہونے والے ٹی بیگ مختلف پولیمرز جیسے نائلون 6، پولی پروپیلین، اور سیلولوز سے بنائے گئے تھے۔ مطالعے کے مطابق، چائے بناتے وقت پولی پروپیلین تقریباً 1.2 بلین ذرات فی ملی لیٹر چھوڑتا ہے، جن کا اوسط سائز 136.7 نینو میٹر ہوتا ہے۔ جبکہ سیلولوز تقریباً 135 ملین ذرات فی ملی لیٹر جاری کرتا ہے، جن کا اوسط سائز 244 نینو میٹر ہے۔ نایلان-6 کی مقدار 8.18 ملین ذرات فی ملی لیٹر ہے، جن کا اوسط سائز 138.4 نینو میٹر ہے۔

یونیورسٹی کی مائیکرو بایولوجسٹ البا گارسیا روڈریگیز نے کہا، ہم نے جدید ترین تکنیکوں کے ذریعے ان آلودگیوں کو نمایاں کرنے کا کامیاب طریقہ تلاش کیا ہے، جو انسانی صحت پر ان کے ممکنہ اثرات کے بارے میں تحقیق کو آگے بڑھانے کے لیے ایک اہم ذریعہ ہے۔