حج پروازوں سے متعلق وزارت مذہبی امور اور سعودی ایئر لائن کے درمیان معاہدہ طے پایا ہے، سعودی ایئرلائن نے پاکستانی حجاج کو بہترین سہولیات کی فراہمی کے عزم کا اظہار کیا ہے۔

رپورٹ کے مطابق سعودی ایئرلائن 35 ہزار پاکستانی سرکاری حجاج کرام کو سفری سہولیات کی فراہمی یقینی بنائے گی۔

وزارت مذہبی امور کے مطابق پاکستانی حجاج کیلئےشاندار سہولیات کی فراہمی یقینی بنانے کیلئے اقدامات کیے جا رہے ہیں۔

حج 2025 کی درخواستوں کا شیڈول جاری

واضح رہے کہ سرکاری حج اسکیم میں 3 مرتبہ مدت بڑھانے کے باوجود کوٹہ مکمل نہ ہوسکا، 7 ہزار کم درخواستوں کی وصولی ہوئی۔

رپورٹ میں کہا گیا کہ حکومت نے کوٹہ پورا کرنے کے لیے تیسری بار حج فارم جمع کرانے کی مدت میں اضافہ کیا تھا تاہم یہ حربہ بھی کام نہ آیا، حج درخواستوں کی تیسری مدت ختم ہونے تک 82 ہزار حج درخواست موصول ہوسکیں۔