پاکستان کے سابق وزیرِ اعظم میاں محمد نواز شریف کے پوتے حافظ زید حسین نواز کی قرآن پاک کی تلاوت کرنے کی ویڈیو سوشل میڈیا پر وائرل ہوگئی جس پر صارفین نے ان کے لیے نیک خواہشات کا اظہار کیا ہے۔

رپورٹ کے مطابق حسین نواز کے صاحبزادے زید حسین نواز نے تلاوت کلامِ پاک کرتے ہوئے ویڈیو شیئر کی ہے، ویڈیو سوشل میڈیا پلیٹ فارم ایکس پر شئیر کی گئی۔

ویڈیو میں انہیں خوبصورت آواز میں سورة الرحمٰن کی تلاوت کرتے ہوئے سنا جاسکتا ہے۔

واضح رہے کہ زید حسین نواز آج اپنی دلہنیا کو لینے کے لیے جاتی امرا سے بارات لے کر ماڈل ٹاؤن روانہ ہوں گے۔

اس سے قبل ان کی نکاح اور رسم حنا کی تقریبات جاتی امرا میں 25 دسمبر کو ہوئی تھیں، جس میں 500 مہمانوں کو مدعو کیا تھا۔

زید حسین نواز کا نکاح سابق وزیر اعظم نواز شریف کے قریبی دوست شیخ حبیب الرحمٰن کی صاحبزادی ایمن حبیب سے ہوا ہے۔ ان کی رسم حنا کی تقریب میں گلوکار راحت فتح علی خان نے اپنی پرفارمنس سے چار چاند لگائے تھے۔

نواز شریف کے پوتے زید حسین نواز کی رسم حنا اور نکاح کی تقریب

شادی کی مختلف تقریبات میں امریکا، برطانیہ، سعودی عرب، قطر، عرب امارات اور بھارت سے مہمان مدعو ہیں۔

شادی میں شرکت کے لیےحسین نواز، ان کی فیملی اور ان کی بہن عاصمہ نواز بھی پاکستان پہنچ گئے ہیں۔ مہمانوں کی سیکیورٹی کا انتظام پنجاب پولیس کر رہی ہے۔