سوشل میڈیا پر پرتگالی فٹ بال اسٹار کرسٹیانو رونالڈو کی اہلیہ کے ہمراہ تصاویر سوشل میڈیا کی زینت بن رہی ہے جس میں انہیں ایک ساتھ مقدس مقام پر دیکھا گیا۔

کرسٹیانو رونالڈو سعودی فٹ بال کلب النصر سے منسلک ہیں اور ان کا سعودی عرب آنا جانا لگا رہتا ہے۔

وہیں اب ان کی عمرہ کرنے کی تصاویر نے سوشل میڈیا پر تہلکہ مچا دیا، تاہم حقیقت یہ ہے کہ فٹبالر کی یہ تصاویر مصنوعی ذہانت (اے آئی) کی مدد سے تخلیق کی گئی ہیں جنہیں دیکھ کر یوں محسوس ہو رہا ہے کہ رونالڈو حقیقت میں عمرہ ادا کر رے ہیں۔

یہ تصاویر فیسبک گروپ پر اپلوڈ کی گئی ہیں۔

تاہم تصاویر سوشل میڈیا پر وائرل ہوئیں تو لوگوں کو حیرانی ہوئی۔ کرسٹیانو رونالڈو کے مسلمان مداح یہ خواہش رکھتے ہیں کہ ان کا پسندیدہ کھلاڑی دائرہ اسلام میں داخل ہوجائیں۔

رونالڈو کے بیٹے نے کس بات پر انشاء اللہ کہہ دیا؟ ویڈیو وائرل

ادھر رونالڈو کو اہلیہ کے ہمراہ زیارت کرتے دکھایا گیا ہے بعض صارفین کو پسند نہ آیا۔ جس پر کئی صارفین تنقید کا نشانہ بنارہے ہیں جبکہ کچھ نے تصویر کو حقیقت کے قریب تر قرار دیا ہے۔

مذکورہ اے آئی پر مبنی تصاویر النصر فٹبال کلب کے سابق گول کیپر ولید عبداللہ کے بیان کے بعد وائرل ہوئی ہیں جس میں انکا کہنا تھا کہ کرسٹیانو رونالڈو اسلام قبول کرنے کی خواہش کرتے ہیں۔

سعودی عرب واپسی پر رونالڈو کا ’ السلام وعلیکم’، ویڈیو وائرل

رونالڈو کی قرآن کی تلاوت کرتے وائرل ویڈیو کی حقیقت

ولید عبداللہ کا مزید کہنا تھا کہ اسلام قبول کرنے کے متعلق رونالڈو سے بات کی تھی اور انہیں اس میں دلچسپی تھی۔ ایک دفع انہوں نے گول کر کے میدان میں سجدہ کیا۔ جب رونالڈو نے سجدہ کیا تو تمام کھلاڑیوں نے ہم آواز ہوکر (اللہ اکبر) کا نعرہ لگایا۔ علاوہ ازیں رونالڈو کو اکثر سلام کرتے بھی دیکھا جا چکا ہے۔