ایشوریا رائے اور ابھیشیک بچن کی طلاق کی افواہیں بلآخر اپنے اختتام کو پہنچ گئیں اور اب تقریباً ایک سال بعد ایشوریا اور امیتابھ بچن ایک ساتھ دکھائی دیے، جس نے مداحوں میں خوشی کی لہر دوڑادی۔

جمعرات کو آرادھیا بچن کے اسکول کی جانب سے منعقد کی جانے والی سالانہ تقریب میں بچن فیملی ایک ساتھ نظر آئی،جب امیتابھ بچن، ابھیشیک اور ایشوریا رائے کو ایک ساتھ اسکول میں داخل ہوتے دیکھا گیا۔

نیہا ککڑ نے پاکستانیوں اورعاصم اظہر سے محبت کا اظہار کر دیا

آرادھیا بچن دھیرو بھائی امبانی انٹرنیشنل اسکول میں پڑھ رہی ہیں، جہاں شاہ رخ سمیت بالی ووڈ کے کئی بڑے فنکاروں کے بچے بھی تعلیم حاصل کر رہے ہیں اور اس اسکول کے سالانہ فنکشن کی کئی ویڈیوز اب تک سوشل میڈیا پر وائرل ہوچکی ہیں۔

اسکول کی سالانہ تقریب کے دوران ایشوریا رائے اور بگ بی کو تقریباً ایک سال میں پہلی بار ایک ساتھ دیکھا گیا ہے، جس کی انسٹاگرام پر پوسٹ کی گئی ویڈیو مداحوں کی توجہ کا مرکز بن گئی ہے۔

دو فلموں میں ہی عامر خان سے زیادہ دولت کمانے والا امیرترین اداکار

انسٹاگرام پر شیئر کی جانے والی ویڈیو میں امیتابھ بچن اور ایشوریہ رائے بات چیت کرتے ہوئے اسکول کی عمارت میں داخل ہورہے ہیں۔ جس کے بعد ایشوریا، ابھیشیک اور امیتابھ بچن اسکول انتظامیہ کے ایک کارکن سے ہنستے ہوئے بات کرنے کے بعد ایک ساتھ بیٹھ جاتے ہیں۔

ایونٹ سے سامنے آنے والی تصاویر میں سے ایک میں ایشوریا اپنے سسر امیتابھ بچن کے ساتھ محو گفتگو ہیں تو دوسری جانب ابھیشیک کو ایشوریا کا دوپٹہ اٹھائے دیکھا جا سکتا ہے۔ ابھیشک بچن کے اس حفاظتی انداز نے مداحوں کے دل کو موہ لیا کمنٹس سیکشن میں مداحوں نے طلاق کی قیاس آرائیوں کے درمیان جوڑے کو ایک ساتھ دیکھ کر راحت اور خوشی کا اظہار کیا۔

یاد رہے کہ اداکارہ ایشوریا رائے بچن اور امیتابھ بچن کو 2023 میں ’’دی آرچیز‘‘ کے پریمیئر کے دوران آخری بار اکٹھے پوز دیتے ہوئے دیکھا گیا تھا جس کے بعد اداکارہ ایک سال بعد اپنے سسر کے ساتھ نظر آئی ہیں۔