آئی فون صارفین کو خبردار کیا گیا ہے جس میں انہیں اپنے موبائل فون کی سیٹنگز کا جائزہ لینے اور فون اپ ڈیٹ کرنے کی ہدایت کی گئی ہے۔

ماہرین کی جانب سے ایپل کے صارفین پر زور دیا گیا ہے کہ وہ اپنے موبائل کی سیٹنگز لازمی چیک کریں اور اپنے فون کو فوراً اپ ڈیٹ کر لیں تاکہ اس بات کو یقینی بنایا جا سکے کہ موبائل میں ان کا ڈیٹا محفوظ ہے۔

ماہرین نے بتایا ہے کہ اگر کسی صارف نے حال ہی میں آئی او ایس 18 انسٹال کیا ہے تو ممکن ہے کہ اسے اپنے فون کی ہوم اسکرین پر’پاسورڈز’ نامی ایک ایپ دکھائی دی ہو جو خود بخود ڈاؤن لوڈ ہوجاتی ہے۔

پاکستانی مائیکرو سافٹ صارفین کی سکیورٹی کو خطرات لاحق

ماہرین کے مطابق ’پاسورڈز‘ نامی یہ ایپ صارفین کے فون میں محفوظ کیے گئے تمام پاس ورڈز تک رسائی حاصل کر سکتی ہے۔

آئی فون کی کمپنی ایپل انڈونیشیا میں گھٹنے ٹیکنے پر مجبور

رپورٹ میں کہا گیا کہ اس ایپ کے حوالے سے ڈیویلپر اور سیکیورٹی ریسرچر ٹامی میسک نے خبردار کرتے ہوئے بتایا ہے کہ مذکورہ ایپ ’اَن اِنکرپٹڈ‘ ایچ ٹی ٹی پی (ہائپر ٹیکسٹ ٹرانسفر پروٹوکول) کا استعمال کر رہی ہے جس کا مطلب ہے کہ اگر صارف کی جانب سے کسی بھی ویب پیج پر لاگ اِن ہونے کے لیے اس ایپ کا استعمال کیا گیا تو وہ اپنے قیمتی ڈیٹا سے محروم ہوسکتا ہے۔

آئی فون 16 کے مقابلے میں ہواوے کا نیا انقلابی فون ’میٹ ایکس ٹی‘ اتنا مہنگا کیوں ہے؟

ماہرین نے مزید بتایا کہ آئی فون میں آنے والے اس مسئلے کو حل کر دیا گیا ہے لیکن یہ یقینی بنانے کے لیے کہ آئی فون صارفین کا ڈیٹا محفوظ ہے اُنہیں اپنا فون روزانہ اپ ڈیٹ رکھنا ہوگا۔