Aaj News

بدھ, دسمبر 18, 2024  
16 Jumada Al-Akhirah 1446  

گلستان جوہر میں شوہر اور بیٹوں کا خاتون پر تشدد، لہو لہان کردیا

شوہر اور بڑے بچے واپسی کے لئے دباو ڈال رہے ہیں، ثناء
شائع 18 دسمبر 2024 06:12pm

کراچی کے علاقے گلستان جوہر پرفیوم چوک میں واقعے ایک گھر میں خاتون پر بدترین تشدد ، خاتون کو اس کے شوہر اور بیٹوں نے مار مار کر لہو لہان کردیا۔

تفصیلات کے مطابق ثناء نامی خاتون نے پولیس کو بیان دیا ہے کہ اس کے شوہرعدنان سے 2 ماہ قبل علیحدگی ہوگئی ہے، عدالت میں خلع کا دعویٰ کیا ہے اپنے چھوٹے بچوں کے ساتھ الگ رہتی ہوں۔

خاتون کا کہنا ہے کہ شوہر اور بڑے بچے واپسی کے لئے دباو ڈال رہے ہیں، پرسوں شوہر عدنان اور بچوں نے مجھے گھر آکر تشدد کا نشانہ بنایا اور مار مار کر لہولہان کردیا۔

پولیس کے مطابق ثناء نے شوہرکے خلاف شارع فیصل تھانے میں درخواست دی ہے، خاتون کے میڈیکولیگل رپورٹ کی روشنی میں مقدمے کا درج ہوگا، میڈیکل لیٹر لینے کے بعد تاحال خاتون مقدمے کے اندراج کے لئے نہیں آئی۔

karachi

Crime