بالی ووڈ سپر اسٹار عامر خان نے اپنی فلم ”مہابھارت“ کو اپنا خوف اور ذمہ داری قرار دے دیا۔

ایک حالیہ انٹرویو میں عامر خان نے اپنی فلم کے بارے میں کہا، یہ میرا خواب ہے، لیکن میں اس سے خوفزدہ بھی ہوں۔ مہابھارت ایک بہت بڑی ذمہ داری ہے، کیونکہ یہ ہر ہندوستانی کے دل کے قریب ہے۔

سنجے دت کی سابقہ اہلیہ اب کس حال میں ہیں؟

ان کا کہنا تھا کہ وہ اس پروجیکٹ کو لے کر انتہائی محتاط ہیں وہ اسے ایک ایسی فلم بنا کر پیش کرنا چاہتے ہیں جس پر ہر ہندوستانی فخر محسوس کرےاور دنیا کو ہندوستان کی ثقافت اور تاریخ سے روشناس کرایا جا سکے۔ تاہم، عامر خان نے یہ بھی تسلیم کیا کہ یہ کب یا کیسے ہوگا، اس کے بارے میں وہ خود بھی یقین سے نہیں کہہ سکتے ہیں۔

عامر خان کی نئی فلم ”ستارے زمین پر“ کی شوٹنگ مکمل ہوچکی ہے، جو ان کی 2007 کی سپر ہٹ فلم ”تارے زمین پر“ کا سیکوئل کہی جا رہی ہے۔ فلم کو دسمبر 2024 میں ریلیز ہونی تھی، لیکن اب اسے گرمیوں 2025 تک مؤخر کر دیا گیا ہے۔

فلم سکندر ٹیزر، ساجد ناڈیاڈ والا کا سلمان خان کیلئے دلچسپ تحفہ

ذرائع کے مطابق، فلم کی ایڈیٹنگ، ویژول افیکٹس اور ساؤنڈ ڈیزائن پر مشتمل پوسٹ پروڈکشن جلد شروع ہوگی۔ عامر خان اس فلم کی حتمی شکل دینے کے لیے فوکس گروپ اسکریننگز منعقد کرنے کی منصوبہ بندی کر رہے ہیں۔