سینیٹرعرفان صدیقی نے کہا کہ گنڈا پور آج بھی دھمکیاں دے رہے ہیں ایسے لوگوں سے کیا بات کریں۔

آج ٹی وی کے پروگرام “اسپاٹ لائٹ “ میں بات چیت کرتے انہوں کہا ہے کہ پی ٹی آئی والے ہمیں تو ہمیں چور ڈاکو کہتے تھے، اب ان سے پوچھیں کیا چوروں سے بات کرنے کے لئے تیار ہیں۔

سینیٹرعرفان صدیقی نے کہا کہ کیا چور چور نہیں رہے، کیا ڈاکو ڈاکو نہیں رہے، مجھے مذاکراتی ٹیم کے مینڈیٹ پر شک ہے، کنپٹی پر گن رکھ کر بات چیت نہیں کرائی جا سکتی ہے۔

ان کہنا تھا کہ مینڈیٹ واپسی کا کیا یہ مطلب ہے کہ جیل کے دروازے کھول دیں، ہم ان کے کیسز کو کیسے معاف کردیں، جیلوں میں پڑے 1 لاکھ قیدیوں کا پھر کیا قصور ہے۔

سینیٹرعرفان صدیقی نے کہا کہ پی ٹی آئی میں اب کوئی چین آف کمانڈ نہیں ہے، بانی پی ٹی آئی پر ان کی اپنی جماعت اعتماد نہیں کررہی ہے۔