سارہ شریف کی زندگی ابتدائی طور پر تشدد اور مشکلات میں گزری۔ 11 جنوری 2013 کو ویکسہیم پارک ہسپتال میں پیدا ہونے والی سارہ کے والدین نے 2009 میں شادی کی، لیکن ان کا خاندان جلد ہی پولیس کی نظر میں آ گیا۔

پولیس ریکارڈ کے مطابق، 2010 سے 2012 کے درمیان یہ جوڑا چار بار پولیس کے سامنے آیا، جبکہ سرے کاوئنٹی کونسل کی چلڈرن سروس بھی ان سے رابطے میں رہی۔ ان کے دوسرے بچے، جسے عدالت میں ’زیڈ‘ کا نام دیا گیا، کو نظر انداز کرنے اور خاندان میں تشدد کے الزامات کا سامنا تھا۔

2010 میں، زیڈ کو ایک دکان میں تنہا پایا گیا، اور اسی سال والد عرفان شریف کو اولگا پر حملے کے الزام میں گرفتار کیا گیا۔ 2011 اور 2012 میں زیڈ نے اپنے والدین کے ہاتھوں تشدد کا ذکر کیا، جس کی وجہ سے بچوں کے جسم پر زخم اور جلنے کے نشانات بھی سامنے آئے۔

2013 میں ایک اور واقعے میں زیڈ کو استری سے جلایا گیا، جس کے بعد سوشل ورکرز نے گھر کا دورہ کیا اور یہ جانچ کی کہ بچوں کی حفاظت کی ضرورت ہے۔ سارہ کی پیدائش سے پہلے ہی اسے عدالتی حکمنامے کے تحت تحفظ مل چکا تھا۔

برطانوی عدالت نے سارہ شریف قتل کیس میں والد، سوتیلی ماں کو سزائیں سنا دیں

نومبر 2014 میں، سارہ کو پہلی بار فاسٹر کیئر میں لیا گیا جب وہ صرف دو سال کی تھیں، اس وقت زیڈ نے اپنی والدہ کے تشدد کے بارے میں شکایت کی۔ سارہ کی زندگی کا یہ آغاز ایک تکلیف دہ سفر کی داستان ہے، جس میں اس کے والدین کی غلطیوں نے اس کی معصومیت کو متاثر کیا۔

سرے پولیس کو اس بات کا علم تھا کہ عرفان کے خلاف پرانے الزامات موجود ہیں، جن میں 2007 اور 2009 میں ان کی سابقہ گرل فرینڈز کی شکایات شامل تھیں، جنہوں نے ان پر قید کرنے کا الزام لگایا۔ سارہ ابھی دو سال کی بھی نہیں تھی کہ وہ اور ’یو‘ گھر واپس آ گئے، لیکن ’زیڈ‘ فاسٹر کیئر میں ہی رہا۔ ایک سال بعد، جب اولگا نے دوبارہ تشدد کا الزام لگاکر گھر چھوڑ دیا، تو سارہ دوبارہ فاسٹر کیئر میں منتقل ہوگئی۔

سارہ اور ’یو‘ کی والدہ کے ساتھ رہائش کے دوران، عرفان کو صرف محدود ملاقات کی اجازت ملی۔ قتل کے مقدمے کے دوران، ایک سوشل ورکر نے گواہی دی کہ جب عرفان سارہ سے ملنے گیا تو بچی نے چیخ کر کہا ”چلے جاؤ“۔ ’یو‘ نے بھی بتایا کہ عرفان نے ان کی والدہ کو مارا جس سے خون بہا۔

عرفان کی اولگا سے علیحدگی سے پہلے، وہ بینش نامی ایک خاتون سے مل چکے تھے۔ اس دوران سارہ اپنی حقیقی والدہ کے ساتھ رہائش پذیر تھیں، اور لگتا تھا کہ ان کی زندگی میں سکون آ گیا ہے۔ تاہم، 2019 میں، عرفان نے بتایا کہ سارہ نے ان سے کہا کہ اولگا ان پر تشدد کرنے لگی ہیں۔

فیملی کورٹ کی دستاویزات کے مطابق، سارہ نے بیانات میں کہا کہ اولگا نے ان کو لائٹر سے جلانے اور ڈوب کر مارنے کی کوشش کی، اور ان کے بال کھینچے۔ کچھ الزامات عرفان نے ایک ویڈیو پر بھی ریکارڈ کیے۔ یہ واضح نہیں کہ آیا عرفان نے سارہ کی حوصلہ افزائی کی یا نہیں۔

ایک بار پھر سوشل سروس تک معاملہ پہنچا، جنہوں نے جائزہ لیا کہ سارہ کو کس کے ساتھ رہنا چاہیے۔ اس کے باوجود، عرفان شریف کے ماضی کے رویے کے باوجود سفارش کی گئی کہ سارہ اور ’یو‘ عرفان کے ساتھ رہیں۔ یہ کہانی ایک ایسے خاندان کی عکاسی کرتی ہے جہاں تشدد، مشکلات، اور بے بسی کا سایہ رہا۔