عوامی مسلم لیگ کے سربراہ اور سابق وفاقی وزیر شیخ رشید احمد کا کہنا ہے کہ پی ٹی آئی نے حکومت سے مذاکرات کے لیے ایک کمیٹی بنائی ہے لیکن ان مذاکرات سے نکلنا کچھ نہیں ہے۔

شیخ رشید نے راولپنڈی میں انسداد دہشت گردی عدالت کے باہر میڈیا سے گفتگو کرتے ہوئے کہا کہ اچھی بات ہے پی ٹی آئی نے حکومت سے مذاکرات کے لیے ایک کمیٹی بنائی ہے لیکن ان مذاکرات سے نکلنا کچھ نہیں ہے کیونکہ قبر ایک اور بندے دو ہیں، ایک نے اندر جانا ہے۔

ان کا کہنا تھا کہ مذاکرات بہت اچھی چیز ہے، دنیا میں جنگ کے بعد بھی مذاکرات ہوتے ہیں، اگر مذاکرات سے کچھ نہ نکلا تو پھر جوڈو کراٹے اور بنکاک کے شعلے ہیں۔

پی ٹی آئی کے اور جھوٹ کا پردہ فاش: لاپتہ افراد کی فہرست جعلی نکلی

شیخ رشید نے کہا کہ 26 تاریخ ایک خوفناک، دہشت ناک، ظلم و ستم کا دن تھا، اس کی جتنی مذمت کی جائے کم ہے۔

سابق وفاقی وزیر نے کہا کہ بانی پی ٹی آئی عمران خان سے لمبی ملاقات ہوئی، باہر آکر میں نے کہا کہ بات چیت کو مختصر ہی رکھوں تو بہتر ہے، سابق وزیر اعظم نے مجھ سے کہا کہ میں اور آپ ایک ہیں، ہمارا ایک اور ایک دو نہیں 11 ہوتا ہے، ہمارا 11 نمبر بہتری کا نمبر ہے۔

انہوں نے کہا کہ بہتری کے حالات نکلنے چاہئیں، حالات سیاسی طور پر عدم استحکام کا شکار ہیں، پہلے ہی کہا تھا کہ 30 دسمبر تک عدم استحکام ہو گا، خونی 26 نومبر گزری ہے۔

ان کا کہنا تھا کہ میں ابھی دورہ سعودی عرب سے آیا ہوں، ملنے والا ہر بندہ کہتا ہے کہ خدا پاکستان کو محفوظ رکھے۔

آپ میں اتنی ہمت نہیں کہ اگلی کال دے سکیں، عطا تارڑ کا علی امین گنڈاپور کو جواب

شیخ رشید نے کہا کہ میں مذاکرات کا حامی تھا اور حامی ہوں، میرا صرف ایک آدمی سے تعلق ہے اور وہ بانی پی ٹی آئی ہے، میں باقی کسی کو نہیں جانتا۔