گزشتہ روز مشہور پاکستانی یو ٹیوبررجب بٹ کو پولیس نے دکھاوا کرنے اورغیر قانونی تحائف قبول کرنے پر گرفتار کیا تھا۔ اس خبر کو تمام سوشل میڈیا اور الیکٹرانک میڈیا پلیٹ فارمز نے بھی شیئر کیا۔ اب یاسر شامی نے بھی رجب بٹ کے لیے اپنی حمایت ظاہر کر دی۔

رجب بٹ پاکستانی یوٹیوب، انسٹاگرام اور فیس بک پر فیملی وی لاگز، اسٹنٹ اور لائف اسٹائل سمیت دیگر کانٹینٹ کے لیے مشہورہیں۔ ان کی ویڈیوز اکثر ذاتی لمحات، سفر، اور طرز زندگی کے دیگر عناصر پر مشتمل ہوتی ہیں۔ آج کل یو ٹیوبر اپنی شادی کی شاندار تقریبات کی وجہ سے بھی سرخیوں کی زینت بنے ہوئے ہیں۔

گرفتار معروف یوٹیوبر رجب بٹ ضمانت پر رہا

گرفتاری کے وقت تک یوٹیوب پر ان کے 4.56 ملین سبسکرائبرز ہیں۔

ڈیلی پاکستان کے میزبان یاسر شامی نے اپنے حالیہ بلاگ میں یوٹیوبر کا دفاع کیا۔ انہوں نے کہا کہ، رجب بٹ اب آزاد ہے۔ میں اس معاملے کو دیکھنے پر سی سی پی او لاہور کا شکریہ ادا کرتا ہوں۔ میں نے ان سے درخواست کی کہ وہ ذاتی طور پر اس معاملے کی پیروی کریں کیونکہ ہم سب جانتے ہیں کہ رجب بٹ کو غلط طریقے سے گھسیٹ کر اس میں پھنسایا گیا تھا۔

ارچنا سنگھ کا یوٹیوب چینل لانچ کے پہلے دن ہی ہیک

یاسر شامی نے واضح کیا کہ رجب بٹ کو شیر کا بچہ اور اسلحہ سمیت متعدد غیر قانونی چیزیں تحفے میں دی گئیں جس کے بعد پولیس نے اسے گرفتار کر لیا تاہم اس نے اپنے بلاگ میں اعلان کیا کہ وہ ان کا لائسنس حاصل کرنے جا رہے ہیں لیکن اسے گرفتار کر لیا گیا۔

انہوں نے مزید کہا، میں رجب بٹ کو باآور کرانا چاہوں گا کہ وہ اپنے دشمنوں اور دوستوں کو جانیں۔ اپنے دشمنوں کو پہچاننا سیکھیں جو آپ کو نقصان پہنچا رہے ہیں اور ذمہ دار بھی بنیں کیونکہ آپ ایک متاثر کن شخصیت کے مالک ہیں۔

یاسر شامی نے مداحوں کو اپ ڈیٹ کیا کہ رجب بٹ بالآخر گھر جا رہے ہیں۔ اس کے بارے میں فکر کرنے کی کوئی بات نہیں ہے۔

سوشل میڈیا صارفین یاسر شامی کی مثبت سوچ اور حمایت کو سراہ رہے ہیں جو انہوں نے یوٹیوبر کے لیے دکھائی۔