خیبرپختونخوا کے مشیر اطلاعات بیرسٹر محمد علی سیف کا کہانا ہے کہ آج شہداء ڈی چوک کو خراج عقیدت پیش کرنے کے لیے مختلف شہروں میں دعائیہ تقریبات منعقد کی جائیں گی۔

بیرسٹر سیف نے اپنے ایک پیغام میں بتایا کہ اس حوالے سے مرکزی دعائیہ تقریب باغِ ناران، حیات آباد، پشاور میں منعقد کی جائے گی۔

مدارس رجسٹریشن معاملے پر مولانا ڈٹ گئے، حکومت کی ساری کوششیں رائیگاں

بیرسٹر سیف کا کہنا تھا کہ آج شہداء کے خون کا حساب لینے کا عزم بھی کیا جائے گا۔

انہوں نے کہا کہ شہداء کے خون کے ایک ایک قطرے کا حساب لیا جائے گا، جعلی حکومت کو جواب دینا ہوگا کہ گولی کیوں چلائی؟

بانی پی ٹی آئی نے فوج کے خلاف بطور ادارہ کبھی خلاف بات نہیں کی، شیخ وقاص

ان کا مزید کہنا تھا کہ نہتے کارکنوں کا خون رائیگاں نہیں جائے گا، معصوم کارکنوں کا خون بہانا شریف خاندان کا وطیرہ بن چکا ہے، ماڈل ٹاؤن میں حاملہ خواتین پر سیدھی گولیاں چلائی گئیں، ہر دور میں اپنے اقتدار کو طول دینے کے لیے معصوم شہریوں کا خون بہایا گیا۔

بیرسٹر سیف نے کہا کہ نہتے کارکنوں کا خون ملک میں آئین و قانون کی بحالی کا پیش خیمہ ثابت ہوگا۔