بھارتی ریاست کرناٹک میں شوہر کا قرض واپس کرنے کے لیے بیوی نے اپنا نومولود فروخت کر دیا۔

میڈیا رپورٹس کے مطابق خاتون نے بچہ ڈیڑھ لاکھ بھارتی روپے میں فروخت کیا، 7 دسمبر کو بچے کی گمشدگی کے 2 دن بعد شوہر نے پولیس سے رابطہ کیا۔

شوہر نے بچے کی گمشدگی میں اہلیہ کے ملوث ہونے کا شبہ ظاہر کیا تھا۔

کوڑے دان سے نومولود بچی برآمد، خاتون کے اعتراف سے ملک میں کہرام مچ گیا

رپورٹ کے مطابق شوہر کی جانب سے پولیس کو بتایا گیا کہ میں 3 لاکھ روپے کا مقروض ہوں، کچھ دن پہلے بیوی نے کہا کہ ہم اپنے نومولود بچے کو کسی بے اولاد جوڑے کو فروخت کر کے قرض کی رقم ادا کر سکتے ہیں۔

شیرخوار اور نومولود بچے آنکھیں کیوں مسلتے ہیں؟

شوہر نے پولیس کو بتایا کہ بیوی کی اس بات پر میں نے فوراً منع کر دیا اور اس سے کہا کہ اُسے ایسا نہیں سوچنا چاہیے، 5 دسمبر کو جب گھر واپس آیا تو بچہ کہیں نہیں تھا۔

بیوی سے پوچھنے پر اُس نے کہا کہ بچہ بیمار تھا تو اس لیے رشتے دار کے ساتھ ڈاکٹر کے پاس بھیجا ہے۔

رپورٹ کے مطابق پولیس نے خاتون کو گرفتار کر کے نومولود کو بازیاب کرا کر ویلفیئر ہوم منتقل کردیا ہے۔