سی ٹی ڈی نے خیبر پختونخوا میں رواں سال ہونے والی دہشتگردی کی رپورٹ جاری کر دی۔

رپورٹ کے مطابق دہشتگردی کے واقعات میں 142 پولیس اہلکار اور 133 شہری شہید ہوئے جبکہ 739 دہشتگردوں کو گرفتار کیا گیا۔

سی ٹی ڈی کی رپورٹ کے مطابق خیبر پختونخوا میں رواں سال دہشتگردی کے 636 واقعات پیش آئیں جبکہ سال 2023 میں دہشتتگردی کے 631 واقعات رونماء ہوئے تھے۔

دہشتگردوں کی جانب سے 6 خودکش حملے، 113 آئی ای ڈی بلاسٹ جبکہ فائرنگ کے 355 واقعات پیش آئیں جس کے نتیجے میں 142 پولیس اہلکار شہید 214 زخمی ہوئے جبکہ 133 شہری شہید اور 246 زخمی ہوئے۔

جنوبی وزیرستان اور لکی مروت میں سیکیورٹی فورسز کے آپریشنز، 8 خوارج ہلاک 2 گرفتار

رپورٹ کے مطابق صوبہ میں 2 ہزار 981 انٹیلیجننس بیس آپریشن کیے گئے جس کے نتیجے میں 29 انتہائی مطلوب دہشتگردوں سمیت 739 دہشتگردوں کو گرفتار کیا گیا۔

سی ٹی ڈی کی کارروائیوں میں 246 دہشتگردوں ہلاک ہوئے جن کے قبضے سے 849 کلوگرام بارودی مواد سمیت، دستی بم ، 7 خودکش جیکٹس 162 مختلف قسم کے ہتھیار بر آمد ہوئے۔