بھارتی وزیر داخلہ امت شاہ کے بیٹے جے شاہ کے آئی سی سی سربراہ بننے کے بعد بھارتی کرکٹ بورڈ کے سیکرٹری کا عہدہ خالی ہے جس پر اب تک تقرری نہیں کی گئی۔

سیکرٹری بھارتی بورڈ جے شاہ نے یکم دسمبر کو چیئرمین آئی سی سی کی ذمے داریاں سنبھالی ہیں۔

بھارتی میڈیا کے مطابق جے شاہ کے جانے کے بعد عبوری سیکرٹری بھارتی بورڈ مقرر نہیں کیا جا سکا، روز مرہ کے امور کے لیے بورڈ میں سیکرٹری کی تقرری ضروری ہے۔

جے شاہ نے آئی سی سی چیئرمین کا عہدہ سنبھال لیا

جے شاہ کے متبادل کی تلاش میں مشکلات پیش آ رہی ہیں، سیکرٹری کے عہدے کے لیے بورڈ کے جوائنٹ سیکریٹری دیوجیت سائیکیا کا نام زیرِ غور ہے۔

گجرات کرکٹ ایسوسی ایشن کے انیل پٹیل بھی سیکرٹری کی دوڑ میں شامل ہیں، بھارتی بورڈ کے قوانین کے مطابق 15 جنوری تک جے شاہ کے متبادل کی تقرری کرنا ہے۔

روز مرہ کے معاملات پر سیکریٹری کے دستخط ہونے ہیں، سیکریٹری کا عہدہ خالی ہونے کی وجہ سے بورڈ کے معاملات رکے ہوئے ہیں۔