راولپنڈی کی انسداد دہشتگردی عدالت نے بانی پی ٹی آئی عمران خان کی بہنوں کی جیل میں ملاقات کرانے کی درخواست کو بے بنیاد قرار دیتے ہوئے خارج کردیا، ساتھ ہی عمران خان کی بہنوں پر 10 ہزار روپے جرمانہ بھی عائد کردیا۔

علیمہ خان، عظمیٰ خان اور نورین خان نے گزشتہ روز بانی پی ٹی آئی سے ملاقات کروانے کی درخواست دائر کی تھی، یہ درخواست بانی پی ٹی آئی سے دو دسمبر کو ملاقات نہ کروانے پر دائر کی گئی تھی۔

پولیس نے عالمگیر خان کو گھر پر چھاپہ مار کر گرفتار کرلیا

درخواست پر سماعت انسداد دہشتگردی عدالت کے جج امجد علی شاہ نے کی، درخواست میں 3 دسمبر کو بانی پی ٹی آئی سے ملاقات کروانے کی استدعا کی گئی تھی۔

عدالتی حکم کے بعد جیل انتظامیہ نے جواب اے ٹی سی میں داخل کروایا جس میں بتایا گیا کہ بانی پی ٹی آئی کی بہنوں نے 3 دسمبر کو جیل میں ملاقات کی ہے۔

رینجرز کے زیرِ حراست افراد کو کہاں رکھتے ہیں؟ جسٹس صلاح الدین پنہور

عدالت نے کہا کہ درخواست اس وقت دائر کی گئی جب درخواست گزار ملاقات کر رہی تھیں۔