بانی پی ٹی آئی عمران خان کیلئےعمران خان کی پہلی بیوی جمائما گولڈسمتھ کے بھائی زیک گولڈ اسمتھ نے عالمی برادری سے اپیل کردی ہے۔

زیک گولڈ اسمتھ نے اپنے ایکس اکائونٹ (ٹوئیٹر) پر عالمی برادری کی توجہ مبزول کراتے ہوئے کہا ہے کہ پاکستانی اشرافیہ جانتی ہے اڈیالہ جیل میں قید بانی پی ٹی آئی عمران خان پاکستانی عوام کے پسندیدہ ترین لیڈر ہیں۔

زیک نے لکھا کہ یہ لوگ اقتدار سے چمٹے رہنے کیلئے کچھ بھی کریں گے اور اس وجہ سےعمران خان کے لئے صورتحال کافی خطر ناک ہوچکی ہے۔

بانی پی ٹی آئی کی زندگی کو کوئی خطرہ نہیں، رانا ثنا اللہ

زیک گولڈ اسمتھ نے کہا کہ ان عناصر کی کوئی بھی حرکت عمران خان اور پاکستان کے لئے خطرناک ہوسکتی ہے، اب وقت آچکا ہے کہ عالمی برادری بانی پی ٹی آئی کے لئے بھرپور آواز اٹھائے۔

واضح رہے کہ زیک گولڈ اسمتھ کا ایکس اکائونٹ پرٹوئیٹ ڈینئیل حنان کی سماجی رابطے کی ویب سائٹ ایکس پر کی گئی پوسٹ کے بعد کی گئی جس میں انہوں نے لکھا ہے کہ بانی پی ٹی آئی کو اڈیالہ جیل سے آرمی کی جیل میں بھیج دیا گیا ، ان کی جان کو شدید خطرات لاحق ہیں۔

ڈینئیل حنان کی سماجی رابطے کی ویب سائٹ ایکس پر سوال اٹھایا ہے کہ کیا یہ لوگ عمران خان کا معاملہ ڈونلڈ ٹرمپ کے حلف اٹھانے سے پہلے نبٹانا چاہتے ہیں۔

زیک گولڈ سمتھ کی ٹوئیٹ کو پی ٹی آئی کے آفیشل ٹوئٹر ہینڈل سے ری ٹوئیٹ کیا گیا ہے۔