بھارتی کرکٹ ٹیم کے اسٹار بلے باز ویرات کوہلی نے آسٹریلیا کے خلاف پہلے ٹیسٹ میچ میں شاندار کارکردگی کا مظاہرہ کرتے ہوئے اپنی 81 ویں ٹیسٹ سنچری اسکور کی، پرتھ کے میدان میں یہ ناقابلِ فراموش اننگز ان کے شائقین کے لیے ایک یادگار لمحہ بن گئی۔

یاد رہے کہ آسٹریلیا اور بھارت کے درمیان بارڈر گواسکر ٹرافی سیریز کا پہلا میچ پرتھ میں کھیلا گیا تاہم بھارت نے یہ میچ 295 رنز کے بڑے مارجن سے اپنے کیا، اس میچ میں ویرات کوہلی پہلی اننگز میں تو ناکام رہے تاہم دوسری اننگز میں انہوں نے کینگروز بولرز کی خوب دھلائی کی اور اپنے کیریئر کی 81 ویں سنچری بنائی، اس کارنامے کے ساتھ ہی ویرات کوہلی نے سچن ٹنڈولکر اور ایلن بارڈر کا بھی ریکارڈ تورا۔

ویرات کوہلی نے اپنی سنچری کے بعد اہلیہ انوشکا شرما کو کریڈٹ دیتے ہوئے کہا کہ وہ ان کی کامیابیوں اور مشکلات میں ہمیشہ مضبوط سہارا بنی رہیں، میدان میں انوشکا کی موجودگی کوہلی کے لیے خاص اہمیت رکھتی تھی، اور سنچری مکمل کرنے کے بعد ان کے جانب کوہلی کی فلائنگ کس کا لمحہ دیکھنے والوں کے لیے جذباتی تھا۔

اہلیہ اور بچوں کو انتظار کروانے پر کوہلی مداحوں پر برس پڑے

رپورٹس کے مطابق، کمنٹری کے دوران روی شاستری نے 2015 کی ایک دلچسپ کہانی شیئر کی۔ انہوں نے بتایا کہ ویرات نے اس وقت بی سی سی آئی سے درخواست کی تھی کہ انوشکا ان کے ساتھ آسٹریلیا کے سیریز میں شامل ہوں، حالانکہ اس وقت بورڈ کی ”صرف بیویوں“ کی پالیسی تھی اور دونوں شادی شدہ نہیں تھے۔

شاستری نے کہا، ”میں نے بی سی سی آئی سے بات کی، اور انہوں نے خصوصی اجازت دے دی۔ انوشکا کی موجودگی نے ویرات کے حوصلے بلند کر دیے۔ اسی سیریز کے باکسنگ ڈے ٹیسٹ میں کوہلی نے 160 رنز کی ناقابلِ یقین اننگز کھیلی۔“

کوہلی نے اپنی حالیہ مشکلات کے بارے میں بات کرتے ہوئے کہا کہ انوشکا ان کے مشکل وقت کو گہرائی سے سمجھتی ہیں اور ان کا ساتھ ہمیشہ ان کی ہمت بڑھاتا ہے۔ روی شاستری نے بھی اس بات پر زور دیا کہ کوہلی کی فارم میں واپسی مخالف ٹیموں کے لیے ایک بڑا خطرہ ہے، اور یہ سیریز میں ہندوستان کی کامیابی کے امکانات کو مضبوط بنائے گی۔