اسلام آباد میں پاکستان تحریک انصاف کے احتجاج کے معاملے پر لاہور لٹن روڈ پر پولیس اور پی ٹی آئی کارکنوں میں تصادم ہوا، جس کے بعد متعدد کارکنوں کو حراست میں لے لیا گیا۔

پاکستان تحریک انصاف کی جانب سے آج اسلام آباد میں احتجاج کا اعلان کیا گیا، اس سلسلے مختلف شہروں سے قافلوں کی روانگی کا سلسلہ جاری ہے۔

لاہور لٹن روڈ پر پولیس اور پی ٹی آئی کارکنوں میں تصادم ہوا ہے، پولیس نے متعدد پی ٹی آئی کارکنوں کو حراست میں لے لیا، پولیس نے حافظ ذیشان اور دیگر کارکنوں کو گرفتار کرلیا۔

پولیس کی بھاری نفری موقع پر موجود ہے، پی ٹی آئی کے راہنماء ندیم عباس بارا موقع سے فرار ہونے میں کامیاب ہوگئے جبکہ لاہور پی ٹی آئی احتجاج میں بہت کم کارکن موجود تھے۔