بالی ووڈ کے سپراسٹار کارتک آریان نے اپنی اداکاری کا لوہا منواتے ہوئے بھارت کے باکس آفس پر مجموعی 1000 کروڑروپے کمانے کا سنگِ میل عبورکر لیا ہے۔

کامیابی نے انہیں بالی ووڈ کے ان ٹاپ 20 اداکاروں کی فہرست میں جگہ دلائی ہے، جو مسلسل ہٹ فلمیں دینے کے حوالے سے جانے جاتے ہیں۔ کارتک کی کامیابی محنت، صلاحیت اور شائقین کے ساتھ گہری وابستگی کا منہ بولتا ثبوت ہے۔

”پیار کا پنچنامہ“ سے آغاز کرنے والے کارتک آریان نے ”بھول بھلیاں 2“ اور ”لکا چھپی“ جیسی بلاک بسٹر فلموں کے ذریعے اپنی اداکاری کا جوہر دکھایا ہے۔

ان کی فلموں کا مجموعی باکس آفس کلیکشن 1025.60 کروڑ روپے تک پہنچ چکا ہے، جو ان کی مسلسل کامیابی اور باکس آفس پر اثر و رسوخ کو ظاہر کرتا ہے۔

بالی ووڈ کے ٹاپ اداکاروں میں شامل ہونے کے بعد، کارتک آریان اب اکشے کمار، سلمان خان، شاہ رخ خان، اجے دیوگن اور رنبیر کپور جیسے ستاروں کے ساتھ کھڑے ہیں۔