بلوچستان کے دارالحکومت کوئٹہ میں مغربی بائی پاس پر پولیس کی گاڑی کے قریب دھماکے میں ایک اہلکار زخمی ہوگیا۔

تفصیلات کے مطابق جمعے کے روز کوئٹہ میں مغربی بائی پاس پر پولیس کی گاڑی کے قریب دھماکا ہوا، دھماکے کی اطلاع ملتے ہی ریسکیو ٹیمیں جائے وقوع کی جانب روانہ ہوگئے۔

پولیس حکام نے بتایا کہ بروری کے علاقے مغربی بائی پاس پر مددگار پولیس کی گاڑی پر دستی بم حملہ کیا گیا، دھماکے میں ایک پولیس اہلکار زخمی ہوا ہے جس کو طبی امداد کے لیے اسپتال منتقل کردیا گیا۔

مددگار پولیس کی گاڑی کو جزوی نقصان پہنچا جبکہ سیکیورٹی فورسز اور بم ڈسپوزل اسکواڈ موقع پر موجود ہیں۔