وزیراعلیٰ سندھ مراد علی شاہ نے وفاقی حکومت سے مشترکہ مفادات کونسل (سی سی آئی) کا اجلاس بلانے کا مطالبہ کردیا۔

وزیراعلیٰ سندھ کی جانب سے جاری بیان میں کہا گیا ہے کہ آئین کے آرٹیکل (3) 154 کے تحت ہر 90 دن کے اندر اجلاس بلانا ضروری ہے، 9 ماہ مکمل ہونے والے ہیں مگر سی سی آئی کا ایک بھی اجلاس نہیں بلایا گیا۔

مراد علی شاہ نے وفاقی حکومت سے مطالبہ کرتے ہوئے مزید کہا کہ آئین کے تحت اب تک 3 اجلاس ہونے چاہیئے تھے، مشترکہ مفادات کونسل کا اجلاس بلا کر آئینی ذمے داری پوری کی جائے۔