بھارتی ریاست ہریانہ کے ایک کالج میں ایک خطرناک واقعہ پیش آیا، جہاں طلبہ کے ایک گروپ نے اپنی خاتون ٹیچر کی کرسی پر بم نصب کرکے دھماکا کیا۔

بھارتی میڈیا کی رپورٹس کے مطابق، یہ واقعہ بارہویں جماعت کے طالب علموں نے اس وقت کیا جب ٹیچر نے انہیں ڈانٹا۔ طلبہ نے یوٹیوب پر دھماکا خیز ڈیوائس بنانے کا طریقہ سیکھا اور اس کے بعد اپنی ٹیچر کی کرسی کے نیچے پٹاخے نما مواد نصب کیا، جسے ریموٹ کنٹرول سے اڑایا گیا۔

خوش قسمتی سے، ٹیچر اس دھماکے میں محفوظ رہیں۔ تاہم، اس واقعے نے کئی سوالات اٹھا دیے ہیں۔

ہریانہ کے محکمہ تعلیم نے سخت کارروائی کرتے ہوئے واقعے میں ملوث 13 طلبہ کو ایک ہفتے کے لیے معطل کر دیا ہے۔ یہ واقعہ آن لائن پلیٹ فارمز کے غلط استعمال اور اسکولوں میں اساتذہ کی حفاظت کے حوالے سے بھی خدشات کو جنم دیتا ہے۔