امریکی کانگریس کی ایک سماعت کے دوران بتایا گیا ہے کہ کویت کے ساحل پر ایک سفید گولے کو پانی سے نکلتے دکھایا گیا ہے اور یہ بھی اس واقعے کی ویڈیو موجود ہے۔

صحافی مائیکل شیلنبرگر نے ایوانِ نمائندگان کے ارکان کو بتایا کہ ویڈیو کے فریم میں ایک اور سفید گولا دکھائی دیتا ہے جو بائیں طرف سے ہوتا ہوا فریم سے نکل جاتا ہے۔

پانی سے سفید گولے کو نکلتا ہوا دکھانے والی ویڈیو امریکی محکمہ دفاع کے اپنے نیٹ ورک پر پائی گئی ہے۔

مائیکل شیلنبرگر نے ایوانِ نمائندگان کے ارکان کو بتایا کہ یو اے پیز (یو ایف او کی جگہ مشہور ہونے والی اصطلاح) کی فوٹیج اُسے چند ہفتے قبل دکھائی گئی۔

پبلک نیوز سروس کے بانی مائیکل شیلنبرگر نے بتایا کہ 13 منٹ کی ہائی ڈیفینیشن، رنگین فوٹیج کویت کے ساحل سے 20 میل دور ہیلی کاپٹر سے بنائی گئی۔

ایک ذریعے نے بتایا کہ یہ ویڈیو اُسے امریکی محکمہ دفاع کے سیکیور انٹرنیٹ پروٹوکول راؤٹر نیٹ ورک پر ملی تھی۔ یہ نیٹ ورک حساس دستاویزات کی ترسیل پر مامور ہے۔