سندھ کے شہر شکار پور کے کچے میں پولیس اور رینجرز نے آپریشن کرتے ہوئے ایک ڈاکو کو ہلاک اور ایک کو زخمی حالت میں گرفتار کرلیا۔

تفصیلات کے مطابق شکارپور کے گڑہی تیغو کے کچے میں پولیس اور رینجزز کی جانب سے آپریشن کیا گیا، اس دوران قانون نافذ کرنے والے اداروں اور ڈاکوؤں کے درمیان فائرنگ کا تبادلہ ہوا، فائرنگ سے ایک ڈاکو مارا گیا جبکہ ایک کو زخمی حالت میں گرفتار کرلیا گیا۔

مارے جانے والا ڈاکو لوٹ مار کے واقعات میں ملوث تھا، پولیس کا اس وقت بھی کچے میں آپریشن جاری ہے۔