بالی ووڈ کی مشہور فلم ’ڈان‘ فرنچائز کی تیسری فلم ’ڈان 3‘ میں ولن کے کردار کا تاحال اعلان نہیں کیا گیا ہے تاہم کہا جارہا ہے کہ وکرانت میسی کو اس کردار کی آفر کی جاسکتی ہے۔

فرحان اختر کی ہدایتکاری میں بننے والی“ ڈان 3“ میں رنویر سنگھ اور کیارا اڈوانی مرکزی کردار ادا کریں گے جبکہ ولن کا نام اب تک فائنل نہیں ہوسکا تاہم کہا جارہا ہے کہ اداکار وکرانت میسی کا نام زیر غور ہے۔

شردھا کپور ”ناگن“ بنیں گی، فلم کی شوٹنگ کا اعلان

بھارتی میڈیا کے مطابق وکرانت میسی، نے حالیہ فلم ’12ویں فیل‘ میں بہترین اداکاری کی ہے جس کی وجہ سے ان کا نام اب بین ااقوامی طور پربھی پہچاناجانے لگا ہے ۔انہیں ڈان 3 میں رنویر سنگھ کے مقابل مرکزی ولن کا کردار ادا کرنے کی تجویز دی گئی ہے تاہم ابھی تک اس کا فیصلہ نہیں ہوا ہے۔

ایک پوڈکاسٹ میں فرحان اختر نے بتایا کہ رنویرسنگھ توانائی سے بھر پور اور بہترین فنکارانہ صلاحیت کے مالک ہیں۔ انہوں نے ڈان 3 کے لیے ’نئی نسل کے اداکار‘ کی ضرورت کے تحت رنویر سنگھ کو منتخب کیا۔ انہوں نے دعوی کیا کہ ان کا ایک منفرد پہلو ابھی تک مکمل طور پر سامنے نہیں آیا ہے جس کو وہ دنیا کے سامنے لانے کی کوشش کریں گے۔

یاد رہے کہ ڈان 3 کی شونٹگ فرحان اور رنویرسنگھ کی دیگر منصوبوں میں مصروفیت کی بنا پرآئندہ سال مارچ میں شروع ہوگی۔ شائقین کو اس میگا فلم کو بڑے پردے پر دیکھنے اور فلم کی ریلیز کا بے چینی سے انتظار ہے۔