فتنہ الخوراج کے اندرونی تنازعات میں مزید شدت سامنے آ گئی،میران شاہ کے گاؤں تپی کی ایک مسجد میں زوردار دھماکے کے نتیجے میں قریبی مکانات منہدم ہو گئے،دھماکے سے خواتین و بچوں سمیت متعدد شہری جاں بحق ،جیش عمری گروپ کے 5 اہم دہشت گرد بھی ہلاک ہوگئے۔

شمالی وزیرستان میں سیکیورٹی فورسز کی مختلف کارروائیاں، 10 خوارج ہلاک، 8 زخمی

ذرائع کے مطابق فتنہ الخوارج اور حافظ گل بہادر گروپ کے درمیان دشمنی اور تنازعہ شدت اختیارکرگیا ہے،گذشتہ شب تپی میں خارجی نور ولی گروپ کی طرف سے حافظ گل بہادر گروپ کے مرکز پرخود کش حملہ کیا گیا ہے، گل بہادر گروپ نے خارجی نور ولی محسود کے اہم کمانڈر ظفرالدین عرف مخلص کو ہلاک کر دیا ہے۔

بلوچستان میں سیکورٹی فورسز کا آپریشن، 2 خوارج ہلاک، 5 گرفتار

دوسری جانب دفاعی ماہرین کا کہنا ہے کہ فتنہ الخوارج کاعبادت گاہوں کو دہشت گردی کے مقاصد کیلے استعمال کرنا شرمناک ہے ،شریعت کے دعویدار فتنہ الخوراج مساجد کو دہشت گردی کے مقاصد کیلئے استعمال کر کے ان کا تقدس پامال کر رہے ہیں۔

دفاعی ماہرین کے مطابق فتنہ الخوارج آبادی والے علاقوں میں پناہ لیتے ہیں اور معصوم شہریوں کو ڈھال کے طور پر استعمال کرتے ہیں جس کی واضح مثالیں ماضی سے بھی ملتی ہیں۔

شمالی اور جنوبی وزیرستان میں فورسز کا آپریشن، 12 خوارج دہشتگرد ہلاک، 6 جوان شہید

ان کا کہنا تھا کہ دراصل فتنةالخوراج اپنی دہشت گردی کی کارروائیوں کو انجام دینے کیلئے رہائشی علاقوں میں پناہ لینے کے ساتھ ساتھ وہاں دھماکہ خیز مواد بھی تیار کرتے ہیں جو عام شہریوں کی جان و مال کے لیے بڑا خطرہ ہے۔

ماہرین نے کہا کہ ایسے واقعات فتنہ الخوراج کے اندرونی اختلافات کی نشاندہی بھی کرتے ہیں جس کے نتیجے میں خوراج کے مختلف دھڑوں کی اندرونی لڑائیاں کھل کر سامنے آتی ہیں۔

خیبرپختونخوا میں دو مختلف آپریشنز کے دوران 4 خوارج ہلاک

دفاعی ماہرین کا مزید کہنا تھا کہ فتنة الخوراج کے حملوں میں عملاً حصہ لینے والے عام جنگجو افغانستان میں بیٹھی قیادت سے تنگ آچکے ہیں، واضح ثبوت خارجی نور ولی محسود کی حالیہ منظر عام پر آنے والی آڈیو لیک ہے۔

انہوں نے کہا کہ فتنہ الخوارج اور افغان طالبان ایک ہی سکے کے دو رخ ہیں، فتنہ الخوارج افغان سرزمین سے افغان طالبان کی مکمل حمایت سے پاکستان میں دہشت گرد حملے کرتے ہیں ،فتنہ الخوارج کی افغانستان میں محفوظ پناگاہیں افغان طالبان کی براہ راست مدد اور حمایت کے بغیر ممکن نہیں ہے۔

سیکیورٹی فورسز کا باجوڑ میں آپریشن، 2 خود کش بمباروں سمیت 9 خوارجی ہلاک

دفاعی ماہرین کا کہنا تھا کہ اس سے یہ بھی پتہ چلتا ہے کے پاکستان کی طرف سے موثر کارروائیوں سے خوارجین کے لیے افغانستان کی زمین تنگ ہو گئی ہے۔