کراچی: سچل انویسٹیگیشن پولیس نے ٹیکنیکل بنیاد پر کارروائی کرکے جمالی پل سے چھینا گیا کنٹینر کورنگی مہران ٹاؤن سے برآمد کرلیا۔

پولیس کے مطابق جمالی پل سے ڈیڑھ کروڑ روپے سے زائد مالیت کا کپڑا، ادویات اور موبائل فونز سے بھرے کاٹن کنٹینر میں موجود تھے، کارروائی میں 2 ملزمان مقصود احمد اور علی نواز گرفتار کیا۔

پولیس نے بتایا کہ ملزمان نے سپر ہائی وے جمالی پل سے کنٹینر چھین کر ڈرائیور اور عملے کو نادرن بائی پاس پر چھوڑدیا تھا۔

پولیس نے بتایا کہ ملزمان نے کنٹینر کورنگی مہران ٹاؤن میں منتقل کردیا تھا، دیگر ملزمان کی گرفتاری کے لئے چھاپے مارے جارہے ہیں۔