چیمپئینز ٹرافی کے لیے بھارتی کرکٹ ٹیم کو پاکستان نہ بھیجنے کے فیصلے کے بعد بھارت نے کبڈی ٹیم کو بھی پاکستان آنے سے روک دیا۔

بھارت کی کھیل دشمنی پالیسی سامنے آگئی، چیمپئینز ٹرافی کے لیے بھارتی ٹیم کو پاکستان نہ بھیجنے کے فیصلے کے بعد بھارت نے نیا محاذ کھول دیا۔

بھارت نے کبڈی ٹیم کو بھی پاکستان جانے کی اجازت دینے سے انکار کردیا، بھارتی ٹیم نے دورہ پاکستان میں 3 میچز کھیلنے تھے، دونوں ٹیموں کے درمیان بابا گرونانک کے جنم دن کے موقع پر 19 نومبر کو کرتارپور میں میچ طے تھا۔

بھارت نے چیمپئنز ٹرافی کیلئے پاکستان آنے سے انکار کردیا، بھارتی میڈیا کا دعوٰی

بھارت کے فیصلے سے حریف کبڈی فیڈریشن حکام نے پاکستانی منتظمین کو آگاہ کردیا، بھارتی کبڈی ٹیم کے ساتھ 21 نومبر کو لاہور اور 23 نومبر کو بہاولپور میں میچز کھیلنے کا مجوزہ پروگرام بنایا گیا تھا۔

بھارتی حکومت کے رویے پر پاکستانی کبڈی فیڈریشن کے حکام نے افسوس کا اظہار کیا ہے، منتظمین اب ننکانہ میں نمائشی میچ کروانے کی تیاریاں کررہے ہیں۔

بھارت کی کھیل دشمنی پالیسی، اپنی کبڈی ٹیم کو بھی پاکستان آنے سے روک دیا،، بھارتی ٹیم نے دورہ پاکستان میں تین میچز کھیلنے تھے،، بابا گرونانک کے جنم دن کے موقع پر انیس نومبر کو کرتارپور میں ٹاکرا شیڈول تھا،، مزید جانتے ہیں آج نیوز کے نمائندہ عقیل احمدسے،،