بنگو بھشی مہاسبھا فاؤنڈیشن کی جانب سے جاری قانونی نوٹس کے بعد سلمان خان کی ٹیم نے نیٹ فلکس پر نشر ہونے والے دی گریٹ انڈین کپل شو کے ساتھ کسی بھی طرح کے تعلق سے باضابطہ طور پر انکار کردیا ہے۔

ڈاکٹر مونڈل کی جانب سے بھیجے گئے نوٹس میں الزام لگایا گیا ہے کہ یہ شو نوبل انعام یافتہ رابندر ناتھ ٹیگور کی وراثت کی توہین کرتا ہے اور بنگالی برادری کے ثقافتی اور مذہبی جذبات کو ٹھیس پہنچانے کا خطرہ ہے۔

روپالی کی حمایت میں راجن شاہی بھی میدان میں آگئے

دی گریٹ انڈین کپل شو کی ایک حالیہ قسط میں بالی ووڈ اداکارہ کاجول اور کریتی سینن اپنی فلم ’دو پتی‘ کی تشہیر کے لیے نظر آئیں۔ کامیڈین کرشنا ابھیشیک نے ٹیگور کے مشہور گانے ’ایکلا چولو رے‘ کے بول کو تبدیل کرنے کے لیے مزاحیہ بنگالی جملے استعمال کیے۔

کرشنا نے طنزیہ انداز میں لفظ ’اکیلے‘ کی جگہ ’پچلا‘ کا استعمال کیا، جس کا مطلب ہے ’پانچ لوگوں کے ساتھ چلنا‘۔ انہوں نے مزید مذاق کرتے ہوئے کہا کہ اکیلے چلنے سے آوارہ کتوں کو راغب کیا جاسکتا ہے ، ایک ایسا تبصرہ جس پر سامعین کی طرف سے زبردست ہنسی آئی لیکن بہت سے بنگالیوں نے اسے قابل اعتراض قرار دیا۔

سلمان خان کے پروڈکشن ہاؤس ایس کے ٹی وی کے دی گریٹ انڈین کپل شو میں شامل ہونے کی افواہیں گردش کرنے کے بعد ان کے نمائندے نے ایک سرکاری بیان جاری کیا جس میں صورتحال کی وضاحت کی گئی۔ بیان میں سلمان خان یا ان کی کمپنی کے شو میں ملوث ہونے کی سختی سے تردید کی گئی ہے اور اس بات کی تصدیق کی گئی ہے کہ اداکار کے پروڈکشن ہاؤس کا نیٹ فلکس پر اس کے آپریشنز میں کوئی کردار نہیں تھا۔

انہوں نے کہا کہ میڈیا کے کچھ حصے یہ رپورٹ کر رہے ہیں کہ سلمان خان/ ایس کے ٹی وی کو بھی نوٹس موصول ہوا ہے جو غلط ہے کیونکہ ہم نیٹ فلکس پر دی گریٹ انڈین کپل شو سے وابستہ نہیں ہیں۔

سلمان خان کی ٹیم کی جانب سے اس عوامی وضاحت کا مقصد کسی بھی غلط فہمی کو دور کرنا اور شو سے ان کا نام اور بنگالی ثقافت کی مبینہ غلط بیانی سے متعلق تنازعہ کو دور کرنا ہے۔