نیشنل الیکٹرک پاور ریگولیٹری اتھارٹی (نیپرا) نے نیٹ میٹرنگ قوانین کی خلاف ورزی پر شہر قائد میں بجلی کی تقسیم کار کمپنی کے الیکٹرک کو شوکاز نوٹس جاری کرنے کا فیصلہ کرلیا۔

کے الیکڑک کی جانب سے نیٹ میٹرنگ قوانین کی خلاف ورزی پر نیپرا نے سخت ایکشن لیتے ہوئے کے الیکڑک کو شوکاز نوٹس جاری کرنے کا فیصلہ کیا ہے۔

نیپرا نے کے الیکڑک کے خلاف اپنا آرڈر جاری کردیا، جس کے مطابق نیپرا نے نیٹ میٹرنگ کنکشن فراہم نہ کرنے کی شکایات پر نوٹس لیا تھا۔

کراچی میں سولر سسٹم لگانے والے گرین میٹر سے محروم صارفین نے نیپرا سے کے الیکٹرک کی شکایت کر دی، صارفین کو نیٹ میٹرنگ کنکشن نہ دینے پر نیپرا نے نوٹس لیا۔

کے الیکڑک سے قوانین کی خلاف ورزی پر وضاحت طلب کی گئی تھی، کے الیکڑک نے نیپرا احکامات پر ایک سے زائد مرتبہ اپنا جواب جمع کرایا ہے۔

نیشنل الیکٹرک پاور ریگولیٹری اتھارٹی (نیپرا) کی جانب سے کے الیکڑک کا جواب غیر تسلی بخش قرار دے دیا گیا، جس پر نیپرا نے کے الیکڑک کو شو کاز نوٹس جاری کرنے کا فیصلہ کیا ہے۔