اسپتالوں میں کسی بھی بات پر مشتعل ہوکر مریضوں کے رشتہ داروں یا اہلِ خانہ کی طرف سے حملوں کے واقعات میں تیزی سے اضافہ ہو رہا ہے۔

پاکستان کی طرح بھارت میں بھی مریضوں کے مشتعل متعلقین ڈاکٹرز پر حملے کرتے رہتے ہیں۔ ایسا ہی ایک واقعہ بھارت کی ریاست تمل ناڈو کے دارالحکومت چنئی (مدراس) میں ہوا ہے۔

کینسر وارڈ میں داخل ایک مریضہ کا بیٹا، جو اپنے دوستوں کے ساتھ آیا ہوا تھا، کسی بات پر مشتعل ہوگیا اور ڈاکٹر پر حملہ کردیا۔ وِگنیش نے چاقو سے ڈاکٹر بالاجی پر 7 وار کیے۔

کلائی نگر سینٹینری سپر اسپیشلٹی ہاسپٹل کے ڈاکٹر بالاجی کو ذرا بھی اندازہ نہ تھا کہ وگنیش ایسا کچھ کچھ کرسکتا ہے اس لیے سنبھلنے کا موقع نہ ملا اور وہ شدید زخمی کرگئے۔ انہیں انتہائی نگہداشت کے شعبے میں رکھا گیا ہے۔

وگنیش سے تفتیش کی جارہی ہے جبکہ اُس کے ساتھیوں کی تلاش میں چھاپے مارے جارہے ہیں۔ تمل ناڈو کے وزیرِاعلیٰ ایم کے اسٹالن نے اس واقعے کا سخت نوٹس لیا ہے۔ انہوں نے متعلقہ اداروں کو حکم دیا ہے کہ ڈاکٹر پر حملہ کرنے والے کے خلاف بھرپور قانونی کارروائی کی تیاری کی جائے اور اُسے قرار واقع سزا دلوائی جائے۔