Aaj News

بدھ, نومبر 13, 2024  
10 Jumada Al-Awwal 1446  

مری میں نازیبا حرکتیں کرنے والے 4 سیاح گرفتار

چاروں نشے میں دُھت تھے، پولیس نے اُن کی گاڑی بھی قبضے میں لے لی۔
شائع 09 نومبر 2024 10:53pm

مری میں نشے کی حالت میں 4 اوباش سیاحوں نے مال روڈ پر نازیبا حرکات کیں۔ انہوں نے سیاح خواتین اور بچیوں کو ہراساں کیا۔

پولیس نے نشے میں دُھت سیاحوں کی نازیبا حرکات کا فوری نوٹس لیتے ہوئے انہیں گرفتار کرکے تھانے منتقل کردیا۔ پولیس نے ملزمان کی گاڑی کو بھی قبضے میں لے لیا ہے۔

مری میں منچلے نوجوانوں کی طرف سے اوچھی حرکات والے واقعات ہوتے رہے ہیں تاہم اب پولیس اس حوالے سے غیر معمولی طور پر الرٹ رہتی ہے۔

خواتین کو ہراساں کرنے کے واقعات سے سیاحت متاثر ہوتی ہے اس لیے دکان داروں کے علاوہ ہوٹل اور ریسٹورنٹ مالکان کی طرف سے پولیس پر موزوں اقدامات کے حوالے سے دباؤ رہتا ہے۔

Murree

ARRESTS

DRUNKEN TOURISTS

UNRULY OVERTURES