ریپبلکن امیدوار ڈونلڈ ٹرمپ نے صدارتی انتخابات کے حتمی نتائج سے قبل ہی وکٹری اسپیچ کردی اور کہا کہ پینتالیسویں امریکی صدر بننے پرآپ سب کا مشکورہوں، امریکا کو دوبارہ عظیم بنائیں گے، سرحدوں کا سیل کرنا پڑے گا جبکہ چیلنجز سے نمٹنے کے لیے اقدامات کریں گے۔

فلوریڈا میں ریلی سے خطاب میں انہوں نے کہا کہ ہم نے امریکی الیکشن میں تاریخ رقم کردی، امریکی عوام نے ایک بار پھر مجھ پر اعتماد کیا، امریکا کو بہترکرنے کی ضرورت ہے،ہم نے بہترین سیاسی مہم چلائی، یہ امریکا کی جیت ہے۔

ڈونلڈ ٹرمپ نے کہا کہ آپ سب کے ووٹ کے بغیر جیت ممکن نہیں تھی، امریکا کے سنہری دور کا آغاز ہونے والا ہے، امریکا کو دوبارہ عظیم بنائیں گے۔

سابق امریکی صدر نے کہا کہ میرا ایجنڈا قوم کی بہتری کےلیے تھا، مضبوط اورجمہوری روایت کاحامل امریکاترجیح ہے۔

امریکی صدارتی انتخابات میں ڈونلڈ ٹرمپ کو فیصلہ کن برتری

ڈونلڈ ٹرمپ نے کہا کہ امریکا اب نئی بلندیوں پر پہنچے گا، میں اپنے اہل خانہ کا بے حدشکرگزارہوں، ملک کے تمام معاملات اب ٹھیک کریں گے، مجھے315 الیکٹورل ووٹ جیتنےکی امید تھی۔

انہوں نے کہا کہ ہم نےسوئنگ ریاستوں کےمیدان میں کامیابی حاصل کی، امریکی سینیٹ میں ہماری کامیابی انتہائی غیرمعمولی ہے، ہر روز آپ کے حقوق کےلیے لڑوں گا۔

امریکی انتخابات: ریپبلکنز کو چار برسوں میں پہلی بار سینیٹ میں اکثریت حاصل