ریپبلکن امریکی صدارتی امیدوار ڈونلڈ ٹرمپ پر گزشتہ اپریل میں 34 سنگین الزامات میں فرد جرم عائد کی گئی تھی۔ ان الزامات میں ایک اسکیم میں کاروباری ریکارڈ کو جھوٹا بنانے سے لے کر ایک فحش اداکار کو رقم کی ادائیگی کے ذریعے غیر قانونی طور پر 2016 کے انتخابات کو متاثر کرنا شامل ہے۔ ان الزامات کی سنگین نوعیت کے باوجود ٹرمپ کو قید نہیں کیا گیا– اب امریکی انتخابات کے ابتدائی نتائج ایگزٹ پول پر سامنے آرہے ہیں۔ یہ منظر نامہ امریکی سیاسی تاریخ کی ایک اور شخصیت کو ذہن میں لاتا ہے۔ ایک آدمی جس نے اپنی مہم کا پورا مقدمہ جیل سے چلایا۔

1920 کے امریکی انتخابات میں سوشلسٹ پارٹی کے صدارتی امیدوار یوجین وی ڈیبس نے روایتی انتخابی مہم کے بغیر ہی دس لاکھ ووٹ حاصل کیے تھے۔ ڈیبس نے اپنی پوری انتخابی مہم جارجیا میں قید خانے سے چلائی۔ وہ بغاوت کے جرم میں دس سال کی سزا کاٹ رہے تھے۔

قید کے باوجود یوجین وی ڈیبس کو ان کی پارٹی نے صدارت کے لیے نامزد کیا تھا، اور ان کی مہم غیر معمولی حالات میں چلائی گئی تھی۔

ڈیبس کی مزدور دوست سرگرمی اور سیاسی مصروفیات کی ایک طویل تاریخ تھی وہ 1900 سے 1912 کے درمیان چار بار صدر کے لیے انتخاب لڑ چکے ہیں، اس دوران انھوں نے 1912 میں تقریباً دس لاکھ ووٹ حاصل کیے تھے۔ 1920 میں جب سوشلسٹ پارٹی نے انہیں دوبارہ نامزد کیا تو ان کی انتخابی مہم کا نعرہ ”Convict 9653“ بن گیا۔

امریکی صدارتی انتخاب: اہم سوئنگ ریاست شمالی کیرولائنا میں ٹرمپ کی واضح برتری

29 مئی 1920 کو نیوزریل کیمروں نے سوشلسٹ پارٹی کے ایک وفد کو اپنی نامزدگی کے بارے میں باضابطہ طور پر مطلع کرنے کے لیے جیل پہنچنے والے وفد کو فلمایا۔ ملک بھر کے موشن پکچر تھیٹرز میں شیئر ہونے والی فوٹیج میں ڈیبس کو اپنی نامزدگی قبول کرتے ہوئے دکھایا گیا ہے۔

اگرچہ ڈیبس کو وارن جی ہارڈنگ اور جیمز ایم کاکس جیسے زبردست مخالفین کا سامنا کرنا پڑا لیکن ڈیبس اپنی قید کے باوجود 913,693 ووٹ حاصل کرنے میں کامیاب رہے، جو کہ مقبول ووٹوں کا تقریباً 3.4 فیصد ہے۔ اس کی مہم نے سماجی انصاف کے مسائل اور جنگ مخالف تحریک کی طرف توجہ دلائی۔

نتائج آنے کے ساتھ خوف پھیلنے لگا، وائٹ ہاؤس کے باہر لوہے کی باڑ لگادی

انتخابات کے بعد، عوامی رائے ڈیبس کے حق میں منتقل ہونے لگی۔ اگرچہ اسے صدر ولسن کی طرف سے معافی نہیں ملی، صدر ہارڈنگ نے بالآخر 1921 میں کرسمس کے دن ڈیبس کی سزا کو کم کر دیا۔