پاکستان شوبز سے تعلق رکھنے والے اداکار آریز احمد کا کہنا ہے کہ ہمارے معاشرے کو جہیز کی لعنت سے پاک کرنا چاہیے۔

آریزاحمد جو کہ مشہور پاکستانی اداکارہ حبا بخاری کے شوہر بھی ہیں نے انسٹاگرام پر اپنے مداحوں کے ساتھ سوال وجواب کا سیشن رکھا تھا ۔ اس دوران ایک مداح نے ان سے اپنی بہن کے لیے جہیز دینے کی درخواست کی۔

مداح نے ان سے کہا کہ سر مجھے اپنی بہن کے لیے جہیز چاہیے اس کی شادی ہے اور میرے پاس اسے دینے کے لیےجہیز نہیں ہے۔

جس پر آریز احمد نے جہیز تو نہیں اسے ایک مشورہ دے ڈالا آریز احمد نے لکھا، جہیز سے پرہیز، اگر لڑکا جہیز کی ڈیمانڈ کررہا ہے تو اسے منع کردیں اور اللہ پر بھروسہ رکھیں۔

آریز احمد کے اس مشورے پر سوشل میڈیا صارفین کا ملا جلا ردعمل سامنے آرہا ہے۔ کچھ صارفین اداکار کی بات سے اتفاق کررہے ہیں اور جہیز دینے کی روایت کو توڑنے کی حمایت کررہے ہیں۔ جبکہ کچھ کا کہنا ہے کہ اداکار نے اپنی جان چھڑانے اورمدد نہ کرنے کے لیے ایسا مشورہ دیا ہے۔ اگر یہ اتنا آسان اور ممکن ہے تو خود ایسا لڑکا ڈھونڈ کر لادیں جو جہیز نہ لے۔

یاد رہے کہ آریز احمد اور اداکارہ حبا بخاری کی 2022 میں شادی ہوئی تھی اور جوڑا جلد ہی جلد ننھے مہمان کو ویلکم کہنے جا رہاہے۔