بلوچستان کے ضلع دکی میں مسلح افراد نے تین ٹرکوں کو فائرنگ کے بعد آگ لگادی۔

ذرائع کے مطابق چمالنگ کے علاقے میں تھری پل کے مقام پر نذر آتش کئے گئے دو ٹرک کوئلے سے بھرے تھے جبکہ ایک ٹرک خالی تھا۔

بلوچستان: 21 کان کنوں کا قتل، مزدوروں نے تحفظ ملنے تک کام بند کردیا

آگ سے تینوں ٹرک مکمل تباہ ہوگئے، جبکہ فائرنگ سے ایک ٹرک ڈرائیور حبیب اللہ زخمی ہوا۔

زخمی ٹرک ڈرائیور کا تعلق میختر سے ہے، لیویز کی نفری جائے وقوع پہنچ گئی ہے۔

واضح رہے کہ ضلع دکی اور اس سے جاری کوئلہ کا کاروبار چند مہینوں سے دہشتگردوں کے نشانے پر ہے۔ جہاں آئے روز کوئلے سےلدے ٹرکوں اور کوئلے کی کانوں میں کام کرنے والے مزدوروں کو نشانہ بنایا جاتا ہے۔