29 اکتوبر کو جی نائن بینک ڈکیتی کا ایک اور زخمی چل بسا جس کے بعد جاں بحق افراد کی تعداد دو ہوگئی۔ مذکورہ شخص جی نائن میں بینک کی کیش وین لوٹنے کے واقعہ میں زخمی ہوا تھا۔

ذرائع کے مطابق فائرنگ سے بینک کے تین گارڈز اور بینک سے ملحقہ ریسٹورنٹ کے تین ملازمین شدید زخمی ہوگئے تھے۔

بینک ڈکیتی میں اب تک ہوٹل کے 2 ملازمین ڈاکوؤں کی فائرنگ سے زندگی سے ہاتھ دھو بیٹھے ہیں جبکہ ہوٹل کا تیسرا ملازم زخمی ہے۔

اسلام آباد میں دوسرے روز بھی بینک ڈکیتی کی واردات

جاں بحق ہونے والوں میں میر حیدر خٹک اور نازید شینواری کے نام معلوم ہوئے ہیں۔

ترجمان پولیس نے بتایا کہ منگل 29 اکتوبر کی صبح ساڑھے دس بجے بینک کی کیش وین لوٹنے کے واقعہ میں کلاشنکوف سے مسلح ڈاکو نے اندھا دھند فائرنگ کی تھی۔

فائرنگ سے بینک کے تین گارڈز اور بینک سے ملحقہ ریسٹورنٹ کے تین ملازمین شدید زخمی ہوگئے تھے۔