محمکہ ماحولیات پنجاب نے بڑھتی ہوئی سموگ اورفضائی آلودگی کو کم رکھنے کیلئے لاہور میں گرین لاک ڈاون لگا دیا ہے۔

محکمہ ماحولیات کی جانب سے جاری نوٹیفکیشن کے مطابق ڈیوس روڈ، ایجرٹن روڈ، ڈیورنڈ روڈ اور کشمیر روڈ ہاٹ سپاٹ ایریا میں شامل ہیں، اس کے علاوہ شملہ پہاڑی سے گلشن سنیما اور ایبٹ روڈ بھی ہاٹ سپاٹ ایریا میں شامل ہیں۔

شملہ پہاڑی سے ریلوے اسٹیشن اور ایمپریس روڈ بھی ہاٹ سپاٹ ایریا ڈکلئیر کر دئیے گئے ہیں، کوئین میری روڈ اور اس کے اطراف کو بھی آلودگی والےعلاقوں میں شامل کیا گیا ہے۔

نوٹیفکیشن کے مطابق مذکورہ علاقوں میں تعمیراتی کاموں پر مکمل طور پر پابندی ہوگی، کمرشل جینریٹرز ان علاقوں میں نہیں چلائے جائیں گے اورچنگ چی رکشوں کا ان علاقوں میں جانا سختی سے بند رہے گا۔

اس کے علاوہ اوپن باربی کیو پر رات آٹھ بجے کے بعد پابندی ہوگی۔