بھارتی عدالت نے پولیس افسروں اور گینگسٹرلارنس بشنوئی کے درمیان گٹھ جوڑ او مجرمانہ سازش کا شبہ ظاہر کرتے ہوئے اس کے ٹھاٹھ باٹھ کے بارے میں سن کر خفگی کا اظہار کیا ہے۔

پنجاب اور ہریانہ ہائی کورٹ نے گینگسٹر لارنس بشنوئی کے 2023 میں ایک نجی چینل کو دیے گئے انٹرویو کی نئے سرے سے جانچ کا حکم دے دیا۔

سلمان خان کو قتل کی نئی دھمکی نے پولیس کی دوڑیں لگادی

بھارتی میڈیاکے مطابق پنجاب اور ہریانہ ہائی کورٹ نے کہا ہے کہ لارنس بشنوئی انٹرویو معاملے میں اسپیشل انویسٹی گیشن ٹیم (ایس آئی ٹی) کی جانب سے دائر منسوخی کی رپورٹ سے پولیس افسروں اور گینگسٹر کے درمیان گٹھ جوڑ اور مجرمانہ سازش کا شبہ ظاہر ہوتا ہے۔ عدالت نے 2023 میں ایک نجی چینل کے ذریعہ بشنوئی کے انٹرویو کی نئے سرے سے جانچ کا حکم دیا تھا جب وہ بٹھنڈا جیل میں تھے۔

پولیس عہدیداروں نے مجرم کو الیکٹرانک ڈیوائس استعمال کرنے کی اجازت دی اور انٹرویو کے انعقاد کے لئے اسٹوڈیو جیسی سہولت فراہم کی ، جس سے مجرم اور اس کے ساتھیوں کی طرف سے بھتہ خوری سمیت دیگر جرائم کو آسان بنانے کی صلاحیت کے ساتھ جرم کی تعریف کی جاتی ہے۔

بھارتی میڈیا رپورٹ کے مطابق عدالت نے اس معاملے سے نمٹنے کے لئے چیف منسٹر بھگونت مان کی ریاستی حکومت کو بھی تنقید کا نشانہ بنایا اور نشاندہی کی کہ نچلی سطح کے افسروں کو قربانی کا بکرا بنایا جارہا ہے۔ جسٹس انوپندر سنگھ گریوال اور جسٹس لاپیتا بنرجی کی سربراہی والی بنچ نے نوٹ کیا کہ جو افسر معطل کیے گئے ہیں ان میں سے صرف دو گزیٹیڈ افسر ہیں اور باقی جونیئر اہلکار ہیں۔

عدالت نے استفسار کیا کہ ڈی جی پی نے یہ کیوں کہا کہ پنجاب کی جیل میں کوئی انٹرویو نہیں ہوا اور مجرمانہ سازش ایکٹ کی دفعہ 120 بی کا اطلاق اس میں ملوث افسران پر کیوں نہیں کیا گیا؟

اسپیشل ڈائرکٹر جنرل آف پولیس (ہیومن رائٹس) کی قیادت والی اسپیشل انویسٹی گیشن ٹیم (ایس آئی ٹی) نے اعتراف کیا کہ بشنوئی کا ایک انٹرویو موہالی کے کھرڑ میں ان کی حراست کے دوران ہوا تھا جبکہ دوسرا راجستھان میں کیا گیا تھا۔ جس کے بعد سات پولیس اہلکاروں کو معطل کر دیا گیا تھا۔

بشنوئی کے انٹرویو سے متعلق تنازعہ نے اس وقت توجہ حاصل کی جب مہاراشٹر کے سابق وزیر اور اجیت پوار کے این سی پی رہنما بابا صدیق کے قتل کے بعد ویڈیو منظر عام پر آئے، جنہیں 13 اکتوبر کو ممبئی میں حملہ آوروں نے قتل کر دیا تھا۔