پنجاب کے شہر حاصل پور میں لالچ کا انتہائی کریہہ واقعہ پیش آیا ہے، جہاں جائیداد کے تنازعے پر بدبخت بیٹے نے سگے باپ کو چارپائی سے باندھ کر سانپ سے ڈسوا دیا۔

ذرائع کے مطابق بیٹے نے سنگین اقدام اٹھا کر والد کی جان خطرے میں ڈالی، سانپ کے ڈسنے سے باپ کی حالت غیر ہوئی تو بیٹا موقع سے فرار ہوگیا۔

ریسکیو ٹیم نے متاثرہ شخص کو اسپتال منتقل کیا، جبکہ پولیس نے ملزم کی تلاش میں تفتیش کا آغاز کر دیا۔

متاثرہ شخص کا تحصیل ہیڈ کوارٹر اسپتال میں علاج جاری ہے۔