ملک بھر میں انسداد پولیو مہم کا باقاعدہ آغاز آج سے کردیا گیا۔

نیشنل ایمرجنسی آپریشن سینٹر کے مطابق انسداد پولیو مہم 3 نومبر تک جاری رہے گی جس دوران ساڑھے 4 کروڑ سے زائد بچوں کو پولیو سے بچاؤ کے قطرے پلائے جائیں گے۔

رواں سال ملک بھر میں 41 پولیو کیسز سامنے آئے جن میں سے 12 کیسز کا تعلق سندھ سے ہے جبکہ سندھ بھر میں ایک کروڑ چھ لاکھ بچوں کو پولیو سے بچاؤکے قطرے پلائے جائیں گے۔

ایمرجنسی آپریشن سینٹر برائے پولیو کے مطابق انسداد پولیو مہم میں 81 ہزار پولیو ورکرز حصہ لیں گے، جن کے لیے 19 ہزار سیکیورٹی اہلکار نافذ ہوں گے۔