بھارت میں پروازوں کے بعد مندر کو بھی بم سے اُڑانے کی دھمکیاں ملنے لگیں
بھارتی پروازوں کو بم کی دھمکیاں موصول ہونے کے بعد مندروں کو بھی دھمکیاں ملنے لگیں۔
بھارتی میڈیا کے مطابق ریاست آندھرا پردیش کے تروپتی میں واقع اسکون مندر کو بم کی دھمکی موصول ہوئی جس سے خوف و ہراس پھیل گیا۔ دھمکی ملنے کے بعد مندر کے آس پاس کی سیکورٹی سخت کر دی گئی ہے۔
پولیس رپورٹس کے مطابق تروپتی کے اسکون مندر کو 27 اکتوبر کو ایک دھمکی آمیز ای میل موصول ہوئی، جس میں خبردار کیا گیا تھا کہ دہشت گرد مندر کو بم سے اڑا دیں گے۔
بھارتی طیاروں کو بم سے اُڑانے کی افواہوں سے ایوی ایشن پریشان
رپورٹ کے مطابق بم سے اڑانے کے پیغام نے قابل فہم طور پر شدید تشویش کو جنم دیا اور عقیدت مندوں اور عملے کی حفاظت کو یقینی بنانے کے لیے حفاظتی اقدامات کو بڑھا دیا گیا ہے۔
تھریٹ الرٹ ملنے کے بعد بم ڈسپوزل اسکواڈ کی ٹیمیں فوری طور پر بم سونگھنے والے کتوں کے ساتھ مندر پہنچیں۔ انہوں نے احاطے کی اچھی طرح تلاشی لی لیکن کوئی دھماکہ خیز مواد یا مشکوک اشیاء مندر کے ارد گرد سے برآمد نہیں ہوئی۔
مندر میں بم کی دھمکی کے بعد پولیس نے تحقیقات شروع کر دی ہے۔
temple
ٰIndia
Bomb Threat
Tirupati Iskcon
اقوام متحدہ نے سلامتی کونسل کا اجلاس آج طلب کرلیا
یحییٰ سنوار کی حماس کو کی گئی وصیت اور ہدایات سامنے آگئیں
ویڈیو کال پر سعودی شیخ کی نیتن یاہو کی تعریف، سچ کیا نکلا
ہندو خاتون مبلغ کے پاس گائے کی کھال سے بنا بیگ دیکھ کر بھارتی پھٹ پڑے
خامنہ ای کا ’عبرانی‘ زبان میں ایکس اکاؤنٹ بنتے ہی معطل
