اسلام آباد سے مزدوری کے لئے تھائی لینڈ جانے والے شہری کو اغوا کرلیا گیا ہے۔

مزدوری کے لئے تھائی لینڈ جانے والے شہری حماد الرحمان کو اغوا کئے جانے کے بعد اہلِ خانہ کی جانب سے وزارت خارجہ کو درخواست دی گئی ہے۔

درخواست گزار کا کہنا ہے کہ ان کے بیٹے کو برما بارڈر کے قریب رکھا گیا ہے۔

اغوا شہری کے والد کا کہنا ہے کہ ملزمان کی جانب سے گھر والوں کو ٹیلی گرام پر رابطے کی ہدایت کی گئی ہے۔

والد نے حکومت سے مطالبہ کیا ہے کہ حکومت میرے بیٹے کی رہائی کے لئے اقدامات کرے۔

والد کا کہنا ہے کہ جس جگہ ان کے بیٹے کو رکھا گیا ہے وہاں اور بھی پاکستانی موجود ہیں، جن پر روزانہ تشدد کیا جاتا ہے اور 50 ہزار ڈالر کا مطالبہ کیا جاتا ہے۔

اغوا ہونے والے شہری کے والد کا کہنا ہے کہ حماد الرحمان کو ائیر پورٹ سے اغوا کیا گیا، میری حکومت سے درخواست ہے وہ میرے بیٹے کی رہائی کے لئے اقدامات کرے۔