وسطی میکسیکو میں مسافر بس گہری کھائی میں جاگری، حادثے کے نتیجے میں 19 افراد ہلاک اور چھ زخمی ہوگئے۔

حکام کے مطابق بس کو حادثہ وسطی ریاست زکاٹیکاس میں پیش آیا۔

میڈیا رپورٹ کے مطابق بس مکئی لے جانے والے ٹریکٹر سے ٹکرا کر کھائی میں جا گری۔

کینیڈا میں خوفناک کار حادثہ چار بھارتی شہریوں کی جان لے گیا

رپورٹ میں مزید بتایا گیا کہ ٹریکٹر ڈرائیور موقع سے فرار ہوگیا۔

زکاٹیکاس کے گورنر ڈیوڈ مونریال نے اس پہلے بتایا کہ حادثے میں 24 افراد ہلاک ہوئے۔ لیکن بعد ازاں ریاستی اٹارنی جنرل کے دفتر نے ہلاک ہونے والوں کی درست تعداد بتائی۔

امدادی ٹیموں نے ہفتے کی صبح گہری کھائی میں گرنے والی لاشوں کو نکالنے کے لیے کا شروع کیا۔

سوشل میڈیا پرپوسٹ کی گئی تصاویر میں فوجیوں، پولیس اور امدادی ٹیموں کو علاقے کو محفوظ بنانے اور لاشیں نکالنے کے لیے مل کر کام کرتے ہوئے دکھایا گیا ہے۔

مذکورہ بس امریکا اور میکسیکو کی سرحد پر واقع شہر سیوداد جواریز کی جانب جا رہی تھی۔ حکام نے تصدیق کرتے ہوئے بتایا کہ متاثرین میں سے کوئی بھی تارکین وطن نہیں تھا۔